هاجر الشرنوبي ترد على الانتقادات بعد نشر صورة لها مع نجلها
تصدرت الفنانة هاجر الشرنوبي مواقع التواصل الاجتماعي مؤخرًا بعد نشرها صورة مع نجلها أثناء تقبيله في عيد ميلاده.
هاجر الشرنوبي
مما عرضها لانتقادات حادة من بعض المتابعين الذين اعتبروا أن القبلة غير لائقة.
وفي ردها على هذه الانتقادات، عبرت هاجر الشرنوبي عن استيائها من التعليقات السلبية التي تلقتها.
كتبت على حسابها الشخصي في إنستجرام: “الخير يا جماعة، عايزة أتكلم عن حاجة مضايقاني جدًا. صحيت الصبح على كمية تعليقات مش طبيعية من ناس واضح إنهم مش طبيعيين.
وأضافت: أنا منزلة صورة لابني وأنا ببوسه بمناسبة عيد ميلاده، وفجأة لقيت تعليقات زي إيه لازمتها البوسة وتربية مش عارف إيه.”
وأضافت: “إيه المرض ده بجد، مش لاقية تفسير للي بيتكتب غير في قلوبهم مرض فزادهم الله مرضًا. يعني إيه المشكلة في صورة عيد ميلاده وأنا ببوسه؟ بجد مش فاهمة الموضوع غريب جدًا.”
واختتمت هاجر بتوضيح موقفها قائلة: “أنا بشوف تعليقات سلبية كتير، وبصراحة ما بدخلش أرد عليها، ولا عمري عملت لايف، ولا طلعت أتكلم.
وواصلت: لكن المرة دي الموضوع يخصني، ودي صورة لابني في عيد ميلاده. مش طبيعي إن الناس تدخل تكتب تعليقات سلبية بالطريقة دي. عايز تقول نصيحة ابعتها في رسالة، لكن أنك تكتب بالطريقة دي قدام الناس ده بشع بجد.
وتابعت مش لاقية أي مبرر أو تفسير للي بيحصل غير إن فيه ناس عندها مشكلة عقلية. يعني إيه المخ ده يهيأ لهم إن صورة أم بتبوس ابنها حاجة غلط.”
مواضيع متعلقة
- وزير المالية يكشف تفاصيل الحزمة الأولى من التسهيلات الضريبية
- رئيس الوزراء: لا داعي للقلق من ارتفاع الدولار والجنيه المصري في مسار مستقر
- وزير الإسكان يزور مدينة سانت كاترين لمتابعة مشروع التجلي الأعظم
- رسالة غامضة من “زينة”.. “هتحبس مش بهزر”
