جوري بكر تنتقد سلوكيات الشباب في الساحل الشمالي: “ليه بنعوج لسانا على العمال؟”

وجهت الفنانة جوري بكر انتقادات لاذعة لسلوكيات بعض الشباب في منطقة الساحل الشمالي.

خاصة ما وصفته بـ”الافتعال اللغوي” والتحدث باللغة الإنجليزية مع العاملين في المقاهي والمطاعم رغم عدم ضرورتها.

كما أشارت إلى أن ذلك التصرف لا يظهر رقيًا بقدر ما يربك عملية التواصل ويصعب الأمور على العاملين.

جوري بكر تنتقد سلوكيات الشباب في الساحل الشمالي

جاء ذلك في مقطع فيديو نشرته جوري عبر خاصية “ستوري” على حسابها الرسمي بموقع إنستجرام.

كما عبرت فيه عن استيائها من تلك التصرفات، التي وصفتها بأنها تضعف التواصل الإنساني وتخلق حواجز لا داعي لها.

وقالت جوري: “كنت بتكلم مع ابني، واحدة فجأة سألتني ليه مش بتكلميه إنجليزي؟ طيب أنتي مالك؟ بتدخلي في تربية ابني ليه؟”.

كما أضافت: “السؤال الأهم.. ليه كل ما بنيجي الساحل بنتكلم إنجليزي؟ ليه مش مسهلينها على بعض؟”.

وأشارت إلى أنها نفسها كانت تفعل ذلك في السابق، إلى أن وجهت لها إحدى صديقاتها نصيحة بتغيير أسلوبها.

قائلة لها: “لو عايزة توصلي وتشتغلي في البلد دي، اتكلمي عربي علشان الناس تفهمك وتحبك”.

كما تابعت جوري: “دلوقتي لما بدخل أطلب حاجة زي ساندويتش أو قهوة، بلاقي الناس بتتكلم إنجليزي مع العمال، رغم إنهم مش فاهمينهم، وده بيصعب الشغل عليهم، أنا كمان ساعات مش بفهم الكلام”.

وأشادت الفنانة بجودة وأخلاقيات العاملين في الساحل الشمالي، موضحة أنهم يعملون بجهد خلال موسم الصيف لتأمين مصروفاتهم سواء للدراسة أو للزواج.

كما أضافت: “أنا بحب الناس اللي بتتعب وبتشتغل وتحس بقيمة الجنيه، أكتر ناس بحس بحبهم هما الجارسونات والشيفات”.

كما انتقدت بعض التصرفات الأخرى غير الملائمة، قائلة: “مش علشان إحنا في الساحل يبقى كل حاجة مباحة، مينفعش أدخل عيادة ألاقي واحدة لابسة مايوه، إحنا لازم نراعي الناس الكبيرة والأهالي، وكل حاجة تتلبس في مكانها”.

وفي ختام حديثها، دعت جوري بكر إلى التعامل برفق واحترام مع الآخرين.

قائلة: “خليكم رحيمين وسهلوا الدنيا على بعض، وكلموا الناس بلغتنا عشان نبسطهم ونساعدهم”.

 

مواضيع متعلقة

• ابنة مفيدة شيحة ترد على الانتقادات: “مش عايزة وجع دماغ”
• هل توفي كاظم الساهر؟.. الحقيقة الكاملة قبل حفل الكويت
• أزمة سامح عبد العزيز الصحية .. عائلته ترفض الشائعات والجمهور يدعو له بالشفاء
• ياسمين الخطيب تنقلب على مها الصغير بسبب سرقة لوحة فنية: “بجاحة واستسهال”