منى فاروق في رسالة مؤثرة: بقيت منبوذة من كل الناس.. أنا غلطت وربنا بيسامح

جاسمين أحمدالأربعاء 26 يوليو 2023

الفنانة منى فاروق ممثلة شابة بدايتها الفنية كانت من الإعلانات التلفزيونية، ثم بدأت دخول عالم الدراما من خلال فيلم “الخلبوص”.

وكانت بداية مشوار مني فاروق الفني في عام 2015 وآخر أعمالها في 2021.

وجاءت اليوم فاروق لتظهر لجمهورها من خلال موقع التواصل الاجتماعي “إنستجرام” وتنشر خبرين لها عبر خاصية القصص.

حيث كان أول خبر نشرته علي خاصية القصص “بالإنستجرام” تعلن فيه اعتزالها للفن.

ثم تأتي بعد ساعات من نشر خبر الاعتزال وتنشر خبرا آخر تناشد فيه نقيب المهن التمثيلية الفنان أشرف زكي لتطالب بأعمال فنية.

وسيعرض موقع “هنا مصر” نص الرسالتين التي نشرتهم منى فاروق عبر حسابها الخاص “الإنستجرام”.

نص الرسالة الأول

حيث كتبت منى عبر حسابها الرسمي على “إنستجرام” عبر خاصية القصص القصيرة: “تعبت وأشعر بعدم التقدير لشخصي ولموهبتي،

وتابعت:لم أعتد البقاء في مكان، ومع أشخاص لا تقدرني”.

كما استطردت قائلة: “إجازة مفتوحة من السوشيال ميديا مش هكون موجودة، مش عاوزة حاجة من حد ولا عايزة حد يعوز مني حاجة”.

ثم أنهت حديثها: “أنا دلوقتي هعيش لنفسي محتاجة أكون نفسي محتاجه سلام نفسي اللي بيحبوني شكرًا.

وكتر خیرکم، واللي ما بيحبنيش شيلوني من حساباتكم لحد ما أقدر أواجه الحياة الظالمة دي تاني”.

نص الرسالة الثانية

أما الخبر الثاني التي قامت مني فيه بالتراجع عن حديثها لاعتزال الفن وطالبت أشرف زكي وأشرف عبد الباقي بتوفير فرصة للعمل.

وجاء نص رسالتها عبر صفحتها بموقع التواصل الاجتماعي “إنستجرام”: “مساء الخير .. الكلام اللي بقوله ده خارج خالص عن فكرة إني أخد التريند وأعمل زي أي حد.

كما تابعت:”أنا قلت أعتزل الفن لسبب واحد وهو إن ده مصدر رزقي الوحيد اللي أنا بحبه وعايزة أشتغله، لكن لما أوصل لمرحلة إني مش عارفة أدفع إيجار بيتي حاجة تتعب”.

واستطردت قائلة: “أنا محتاجة أشتغل عشان أقدر أعيش زي أي بني آدمة طبيعية.

حيث قالت: “أنا غلطت وربنا بيسامح.. ليه البني آدمين مش عايزين يسامحوا؟

واستكملت: ” أنا بسمع بودني بلاش منى عشان الفيلم ميضرش، ليه يا ربي أنا بقيت منبوذة من كل الناس؟”.

وقد تابعت: “أنا مش طالبة غير إني أشتغل في الحاجة اللي بحبها عشان أعرف أعيش .. المجتمع حاططني في المكان الوحش بس مش يمكن عايزة أبقى كويسة زي أي واحدة؟

ليه بتقفلوا قدامي كل حاجة؟”.

كما استكملت: “عشان كدة، أنا بناشد دكتور أشرف زكي والأستاذ أشرف عبد الباقي وشركات الإنتاج .. محتاجة الشغل عايزة أعرف أعيش.
وأوضحت قائلة:”ولما قلت قرار أعتزل من أجل لو حد شافني بشتغل في محل لبس أو أي شغل ميقولش إيه ده؟ والله مش طالبة غير أشتغل .. عايزة أشتغل أبوس إيديكم”.