منة عادلي القيعي تتصدر التريند لهذا السبب

تصدرت الشاعرة الغنائية منة عدلي القيعي، محركات بحث جوجل تريند خلال الساعات القليلة الماضية.

كما جاء ذلك بعد أن كشفت عن تفاصيل خطوبتها على الفنان يوسف حشيش بعد احتفالهما بالمناسبة.

علقت منة عدلي القيعي وقالت : “شريك الحياة يفرح لنجاحك ويدعمك وينور لنجاحك، وطبيعي أن الشريك يبقى عنده مشكلة في التأخير، لو مش من باب الغيرة يبقى من باب القلق.

كما اضافت: بس هنا بقى الشخص اللي يعرف يتقبل ويفرق ويدعمك، وأنتِ كمان ماتسوءيش فيها أوي، معظم الناس اللي بشتغل معهم بيتحولوا لأصدقاء عيلة مش بس شخصي”.

كما جاء ذلك خلال حلولها ضيفة على برنامج “الستات” الذي يقدمه كل من مفيدة شيحة وسهير جودة عبر شاشة “النهار”.

وقالت : “ارتبطنا في بداية رمضان الماضي، يوسف طيب أوي، وبداية تعارفنا على بعض كانت ارتباط على طول مكنش في أصحاب قبلها”.

كما تابعت:” تعارفنا كان لأننا في نفس الدواير، وبتفرج على المحتوى بتاعه، وعاملين لبعض متابعة، ومعجبين بشغل بعض.

واصلت :” بس ما نعرفش بعض، بس كنت أسمع بقى أن البنات كلها بتحبه، وعرفت عنه من المعجبين، هو له ستايل لذيذ في الكلام وابن ناس جدا جدا، وبعدين ابتدينا نتكلم ومطولناش أوي في المعرفة”.

كما قالت: هو كل يوم مع الوقت كان بيبهرني، والابهار مش بمعايير اليومين دول والحركات، بيبهرني بالحاجات الحقيقية اللي مكنتش بقابلها”.

واصلت :” زي تقبله للآخر وطيبته وبيسمع جدا ومش شخص ذكوري رغم أنه محتواه يبدو أنه ذكوري بس هو مش كدة.

واضافت في رمضان كنا بنتقابل كتير لحد ما في يوم قال لي تعالي ننزل نتكلم وكنت مخمنة أن عنده فضول يعرفني أكتر.

كما تابعت: يوسف بقاله كتير ما بيعملش محتوى المج الأخضر والناس فاكرة ان أنا السبب.

الجدير بالذكر أن منة عدلي القيعي قدمت نجاح كبير بأغنيات كتبتها منها “الغزالة رايقة” و”اليوم الحلو”.

و”قلبي يا محتاس” وسيرينا يا دنيا” وغيرها من الأغنيات.

كما كانت اخر أعمال يوسف حشيش مشاركته في مسلسل “الحشاشين” و”صلة رحم” في رمضان 2024.

مواضيع متعلقة

• قطار يدهس طفلين وثورة من الأهالي في العياط
• محمود كهربا خارج نهائي السوبر المصري وغرامة مليون جنيه.. السبب صادم
• الهلال الأحمر المصري يقدم المساعدات عاجلة لمصابي حادث تصادم قطاري المنيا
• إي اف چي هيرميس تنجح في إتمام خدماتها الاستشارية لصفقة بيع حصة “هيلمريتش آند باين” في “أدنوك للحفر”