مرتضى منصور يدخل على خط أزمة محمد سلام وبيومي فؤاد.. هتبقى أمينة رزق؟
فاجأ المستشار مرتضى منصور متابعيه بتعليقه على أزمة الفنان بيومي فؤاد والنجم محمد سلام التي شغلت حديث رواد السوشيال ميديا مؤخرًا.
مرتضى منصور يهاجم محمد سلام بعد أزمته مع بيومي فؤاد
ظهر مرتضى خلال مقطع فيديو نشره عبر حسابه الشخصي بتطبيق “تيك توك” مُدافعًا عن بيومي فؤاد، بينما انتقد تصرف محمد سلام.
وجه مرتضى رسالة لمحمد سلام قائلًا: “زي ما انت يا محمد سلام مضيت عالعقد واخدت العربون في السر اعتذر في السر “.
وأضاف: “احنا مش جايين نعمل منظر خالص، وأنت كده أحرجت أي حد هيشتغل”.
وأردف منصور: “طب لو هيعمل مسرحية في مصر وهيضحك ولا هي القصة الرياض، طب لو هيشتغل في تونس،
طب هيروح مهرجان جرش يبقي خاين؟!”.
واستكمل: “وعشان كده زميلك بيومي فؤاد اللي أنا معرفوش شوف مكتوب عنه ايه الخاين العميل وكأنه هو اللي بيضرب أطفالنا بسببك أنت”.
كما تابع مرتضى: “انتت اللي عملت كده في زملائك .. أنت عاوز تعتذر حقك والله العظيم،
وأنا لو مكانك هعتذر مش هروح بس لو جالك كوميدي هنا في مصر هتمثل لو مع أحمد مكي ولا هتقعد مش هتعمل كوميدي وهتبقى أمينة رزق؟”.
كما أضاف مرتضى خلال رسالته لمحمد: “أنت ممثل جميل وحذرت وقلت تصفية الحسابات،
أنا مستاء من اللي بيحصل مع بيومي فؤاد مع إنه هلاوي وحمى وبيني وبينه يعني مش طايقه”.
واختتم مرتضى رسالته قائلاً: “بس شايف واحد عمال يتهزق ويتهان مع أن الموضوع سهل جدًا،
وزي ما انت عملت العقد في السر وخدت العربون في السر ورقة صغيرة أنا بعتذر وشكرًا”.
على صعيد آخر، كان الفنان محمد سلام اعتذر عن دوره في مسرحية “زواج اصطناعي” بموسم الرياض، تضامنًا مع القضية الفلسطينية.
سرعان ما استعان تركي آل الشيخ بالفنان محمد أنور ليحل بديلًا للفنان محمد سلام في بطولة مسرحية “زواج اصطناعي”.
بيومي فؤاد يثير الجدل بهجومه على محمد سلام
وكان الفنان بيومي فؤاد قد أثار الجدل خلال الساعات الأخيرة بعد دفاعه عن نفسه وعن زملائه، من هجوم الجمهور.
وذلك بعد مشاركتهم في موسم الرياض لهذا العام، وسط الأحداث المأساوية التي تشهدها غزة.
وقال بيومي: “أنا فنان مصري وليا الشرف جيت المملكة العربية السعودية وليا الشرف عشان نقدم فننا”.
وتابع: “إحنا مش جايين نضحك إحنا جايين نقدم فننا … احنا محتاجنكم وانتوا محتاجينا”.
كما أضاف: “كتر خيركم كتر خيركم، إحنا بنتعب وبنشقى عشان نقدم فن مش عشان نضحك”.
واستكمل: “ولو الموضوع كدا يبقى في فنانين من أيام نجيب الريحاني لحد محمد أنور، مفروض ينتحروا”.
كما هاجم بيومي فؤاد الفنان محمد سلام على خلفية انسحابه من مسرحية “زواج اصطناعي”،
وقال: “من حقك إنك تعتذر عن المسرحية لكن مش من حقك إنك تغلط في فنك”.
وأضاف: “إحنا مبنجيش علشان نضحك حضراتكم، إحنا بنقدم فننا المصري وانتوا بتحترمونا واحنا بنحترمكم جدا جدا”.
وأردف بيومي: “شيء عظيم إن الفنان يبقى ليه جمهور في كل الدول”.
وتابع: “شيء عظيم إني أخرج أتصور مع شاب سعودي أو سيدة سعودية وهي تعلم إن أنا مصري”.
واختتم حديثه: “أنا بشرف بلدي، أنا فنان مصري وليا الشرف”.
مواضيع متعلقة
- طلع لهم صوت.. منشور غامض من نجل شريفة ماهر بعد وفاتها
- أشرف داري.. صدام بين الدولي المغربي وإدارة الأهلي
- أحمد داش يتصدر التريند بعد إعلان خطوبته
- شراكة بين “فوو” و” اينوفيت” لتعزيز التحول الرقمي في مصر
