شاهد رسالة محمد عبد المنعم مدافع نادي الأهلي للجماهير
محمد عبد المنعم مدافع النادي الأهلي، يرسل رسالة لجماهير النادي الأهلي
حيث بث من خلال صفحتة الشخصية عبر موقع التواصل الاجتماعي “إنستجرام” مقطع فيديو.
وظهر في المقطع وهو يودع النادي الأهلي والجماهير،وعلق عبد المنعم في الفيديو قائلاً: “شكراً على كل حاجة”.
كما تحدث عبد المنعم في المقطع الذي نشره قائلا:”عارف يعني إيه تنام وتحلم وتصحى تلاقي حلمك اتحقق وإنك لاعب في النادي الأهلي، من يوم ما كنت طفل صغير كنت شايف نفسي بالتيشرت الأحمر”.
وتابع محمد:” بلعب قدام جمهور كبير بيهتف باسمي، الحلم ده مش بس اتحقق، ده بقى جزء مني ومن حياتي، 15 سنة مروا عليا في النادي الأهلي، 15 سنة مروا عليا وأنا بلعب بتيشرت الأهلي، 15 سنة عشت فيها حاجات كتير من الحب والتحديات والفخر”.
كما قال:”يوم ما لبست التيشرت للمرة الأولى، حسيت إن دي لحظة عمرها ما تتكرر، حسيت إني بقيت لاعب من أولاد الناي الأهلي، النادي اللي حلمت بيه من صغري، كل تمريرة عملتها وكل هدف سجلته كان مليان أحاسيس كتيرة، الذكريات دي مش هتنتهي، الأهلي اداني أكتر من اللي كنت بحلم بيه.
وأضاف:”أنا فاكر أول مرة أدخل ملعب التتش، الملعب اللي شهد جهدنا وعرقنا، الملعب اللي شهد على كل فرحة ونصر، جمهور الأهلي اللي صنعني وصنع اسم محمد عبد المنعم، بشكر كل الجماهير”.
كما انهي رسالتة:”بشكر مجلس إدارة النادي الأهلي بقيادة الكابتن محمود الخطيب، الراجل ده عرف ازاي يحقق أحلامنا، عمره ما بخل علينا بأي نصيحة، وكان دايما السند في الأوقات الصعبة، بشكر اللاعيبة اللي كانت معايا على الحلوة والمرة واللي عملت معاهم ذكريات كتير، وعلى كل بطولة حققناها كتف في كتف، وأخيرًا بشكر المشجعين أيضًا والجمهور اللي هيفضل في بالي طول الوقت، الأهلي أعظم نادي في الكون ودايمًا الطموح هو اللي بيصنع الأبطال”.
مواضيع متعلقة
- لا ترحيل لموعد إجازة المولد النبوي 2024
- تعويض مادي للمتضرر.. السيسي يحيل توصيات الحبس الاحتياطي للحكومة
- رابط التحويل بين المدارس في الجيزة.. قدم من هنا
- قدم الآن.. رابط تقليل الاغتراب في المرحلة الأولى والثانية
