“حورية فرغلي” تخرج عن صمتها وتكشف حقيقة علاقتها بحسن شاكوش (شاهد)

الإثنين 16 أكتوبر 2023

خرجت الفنانة حورية فرغلي عن صمتها لترد على ادعاءات ريم طارق طليقة حسن شاكوش، بعدما اتهمها بأنها على علاقة معه.

حورية فرغلي ترد على اتهامات طليقة حسن شاكوش

ظهرت حورية خلال مقطع فيديو شاركته عبر حسابها الشخصي بموقع تبادل الصور والفيديوهات “انستجرام”.

أعربت حورية عن استيائها الشديد من تكرار تداول اسمها عل لسان ريم طارق واتهاماتها المستمرة بأنها على علاقة مع حسن شاكوش.

وقالت حورية: “أنا طالعة أكلمكم في موضوع بقاله فترة مضايقني وساكتة، بس قررت أشهدكم عشان لو أنا غلطانة تقولولي”.

وأضافت: “أنا كنت ساكتة فترة طويلة ومبردش علشان أنا أكبر من كده، بس الموضوع زاد عن حده”.

كما أكدت حورية على غضبها مما يحدث قائلة: “الأستاذة طليقة الفنان حسن شاكوش اللي أنا معرفهاش ولا عمري شوفتها،

اتقال اسم حورية وثالث حرف ( ر ) الناس سابت كل الأسامي ومسكت في حورية سكت ومتكلمتش خالص”.

وأضافت: “إنما يجيلك الجرأة أنك تنزلي أن الفنانة حورية تكشف عن اسم الفتاة اللي كانت مع شاكوش لغاية هنا بقا واستوب”.

اتهمت حورية طليقة شاكوش بالتشهير بها بحثًا عن التريند قائلة: “أنت عايزة إيه بالظبط، أنت عايزة تريند عايزة تجيبي اسم حورية فرغلي عشان تطلعي تريند”.

واستكملت: “أنا أعرف منين البنت اللي كانت مع شاكوش، أنا ممكن أرفع عليكي قضية تشهير”.

وأوضحت: “أنا مصورة الخبر وبعتوا لريهام سعيد وعندها بعد أما قولتي كدة”.

أكدت حورية فرغلي: على احترامها الصغير قبل الكبير، مضيفة: “كمان بحترم نفسي وبحترم كل الناس أنا اتربيت على كده”.

ووجهت رسالة لريم قائلة: “مش هقولك غير ربنا يهديكي يا بنتي لنفسك وتبطلي تجيبي في سيرتي”.

وهددت حورية ريم: “المرة الجاية أنا هشتكيكي بالتشهير ومش هتتخيلي هيحصل فيكي إيه، مسمحلكيش تقولي اسمي مرة تانية”.

وأضافت حورية: “أنا بشهد الجمهور على اللي أنا بقوله دا عشان الناس تقولي لو أنا غلط في حاجه بس أنا معملتش حاجة”.

وتابعت: “يمكن أكون عملت حاجة، قولولي لو انا غلط، غلط في إيه”.

كما شهدت الجمهور: “أنا الحمد لله تاريخي يشهد عليا إن أنا طول عمري في حالي وكويسة مع الوسط وبعتبرهم أهلي”.

واختتمت حورية رسالتها: “بمنتهى الأدب بقولك لو سمحتي اسمي متقولهوش تاني ربنا يهديكي يا بنتي”.

على صعيد آخر، كانت آخر أعمال النجمة حورية فرغلي الدرامية مسلسل “أيام”.

وشاركها البطولة النجوم رياض الخولي، وشيري عادل، وأحمد صفوت، وسلوى خطاب، وهو من إخراج محمد أسامة.

الوسوم

الإثنين 16 أكتوبر 2023